شات المدونة

Get amir_elhob chat group | Goto amir_elhob website
لتغير اسمك اضغط على اول اسم موجود فى قائمة الاسماء
التى على اليمين وامسح الاسم المكتوب فى الخانة الاولى
واكتب اسمك او الاسم المستعار بدل منه ثم اضغط موافق او ok

قول هتشجع مصر بأدب


مصــــــر












اكيد الكل زعلان ومتضايق بسبب الغلطه الكبيره اللي ارتكبها الاعلام الجزائري


لكن تفتكروا اننا لازم نعمل نفس الخطا ويبقي كده ضيعنا اسمنا وسمعه بلدنا اللي زعلانين عليها؟؟؟؟

وساعتها التاريخ هايذكر اننا ارتكبنا نفس الخطا وان الشعب المصري المعروف بتسامحه وعقله الكبير وقع في فخ كلام فارغ احنا اكبر منه بمليون مرة

مش معني كلامي اننا نكتم غضبنا ونكتفي بالزعل وخلاص او نتكلم كلمتين في الهوا...لالالالالا

طبعا كلنا عارفين الغرب دايما بيقول علي العرب انهم بتوع كلام وبيكرهوا بعض

وده الوقت اللي نثبت فيه ان شباب مصر ومستقبله مش اقل من رجالتها ابطال حرب 73

اكيد السؤال دلوقت بيقولطيب احنا هانعمل ايه ؟؟؟


دلوقت اقدر اكلمكم من منطلق العقـــل


1 - اول شئ هو الدعاء وده اهم سلاح واوعي حد يستهين بالدعاء


2 - علينا كشباب خارج العاصمه اللي يقدر يحضر الماتش اوكي لكن حضورة مش متفرج
انا عايز اللي يحضر يبقي وحش مش يبطل تشجيع ابدا من اول دخول اتوبيسات الفريق الجزائري حتي صفاره النهايه ومش يبطل تشجيع ابدا ويكون الكل علي قلب رجل واجد
واوعوا تنسوا الطوبه اللي خرجتنا من تصفيات كاس العالم قبل كده واللي مش فاكر او مش حضر يسال علي اشهر طوبه في التاريخ بسبب حماس بدون تفكير
واللي حاسس انه مش هايقدر يمسك اعصابه يبقي يحضر الماتش في البيت افضلواوعوا توقعهوا في فخ الشتايم او صواريخ او اي شئ يخلينا نخسر الماتش
لان افعالكم زي ما هي ضغط علي الفريق الجزائري هي في حاله انفالات اعصابكم بتبقي ضغط علي الفريق المصريعايزكم تشجعوه بكل قوه وبكل حماس ومفيش تفرقه بين لاعب اهلاوي او زملكاوي لانه بيلعب باسم اغلي مكان في الدنيـــا
بكرر وبقول التشجيع فقط للمنتخب المصري بدون اي شتايم ويكون للفريق المصري ومهما مر الوقت انتظروا النهايه وان شاء الله النصر هايبقي لمصــــر


3 - اما الشباب داخل العاصمه
طبعا مش هاقولكم تعملوا ايهلانكم عارفين القاهره في اليوم ده بتبقي ازاي
لكن عليكم حمل اصعب بكتيييير جدايا ريت يتنفذ المرة دي صح جدا
انا عايز كل شاب ساكن في العاصمه بما انه بيحب يسهر مع اصحابهياخدهم وكل واحد عنده عربيه يروح يحتفل بقدوم الفريق الجزائري في مصر
ويفضلوا يشجعوا مصر بكل ادب وذوق قدام الفندق اللي هايقيموا فيهوده يكون للصبح لحد ما يخرجوا معاهم للاستاد
وبقول التشجيع بكل ادبلاننا اخلاقنا وعادتنا بتفرض علينا اننا نحترم الغير حتي نجبرهم علي احترامنا
وكمان علشان الامنمش يزعل منكم واحنا لسه محتاجينكم
اكيد انتوا طبعا فاهمين هاتشجعوا وتستقبلوا الفريق الجزائري ليه


وبكده يا شباب يبقي احنا مش بنتكلم احنا بنشتغل وبنقول يا رب النصر لينا

ارجو من الجميع تنفيذ هذه الافكار واللي عنده اي فكرة ممكن نضيفها في الموضوع


ومن دلوقت مش عايز اي عضو او اي شخص يشتم او يتعصبلاننا هانرد في الملعب وربنا معانا


واي عضو هايشتم اي عضو جزائرياوهايقول كلام خارج هايتم طرده لاننا مش هانقبل في اي حال من الاحوال نغلط زي اي حد لاننا دايما قدوه لغيرنا ومش هانوقع في نفس غلطتهم

0 التعليقات:

إرسال تعليق